Is féidir leat d’iarratas ar Sheirbhís na bPasanna Luais a chur isteach chuig thart ar 1,000 oifig de chuid An Post.

Treoir Mhionsonraithe:

1. Faigh an fhoirm iarratais ar phas, APS 1E, ó aon stáisiún Gardaí nó in aon oifig phoist.
2. A luaithe agus a bheidh d’iarratas ar phas comhlánaithe i gceart agat agus na doiciméid ábhartha go léir i do sheilbh, tabhair chuig aon oifig phoist de chuid An Post iad. Ceannaigh clúdach litreach Sheirbhís na bPasanna Luais ansin agus tabhair d’iarratas do chléireach cuntair.
3. Is féidir íocaíocht a dhéanamh le cárta creidmheasa/dochair, nó le hairgead tirim. Féach táillí Sheirbhís na bPasanna Luais.
4. Agus íocaíocht déanta agat, tabharfar admháil duit. Coinnigh an admháil seo in áit shlán mar is ansin a gheobhaidh tú uimhir rianaithe d’iarratais ar phas. Seo an pointe tagartha chomh maith más mian leat aon cheisteanna maidir le d’iarratas a chur.

Tá an rogha agat d’iarratas ar Sheirbhís na bPasanna Luais a chur isteach ag níos mó ná 70 oifig phoist.

Treoir Mhionsonraithe:

1. Faigh an fhoirm iarratais ar phas, APS 2E, ón oifig phoist is gaire duit.
2. A luaithe agus a bheidh d’iarratas ar phas comhlánaithe i gceart agat agus na doiciméid ábhartha go léir i do sheilbh, tabhair chuig aon cheann de na hoifigí poist liostaithe iad. Ceannaigh clúdach litreach Sheirbhís na bPasanna Luais ansin agus tabhair d’iarratas do chléireach cuntair.
3. Ba cheart cártaí creidmheasa/dochair nó airgead tirim a úsáid ag an oifig phoist ansin chun íocaíocht a dhéanamh.

Agus íocaíocht déanta agat, tabharfar admháil duit. Coinnigh an admháil seo in áit shlán mar is ansin a gheobhaidh tú uimhir rianaithe d’iarratais ar phas. Seo an pointe tagartha chomh maith más mian leat aon cheisteanna maidir le d’iarratas a chur.

You must submit your postal application to your Embassy or Consulate in the country you live in. For example, if you live in the USA and are on holidays in Ireland, it is not possible to use a passport postal service.

Tá Seirbhís na bPasanna Luais ar fáil in dhá oifig phoist sa Bhreatain Mhór faoi láthair.

Glaschú

Glasgow Post Office,

140 West Nile Street,

Glaschú,

G1 2RD.

Learpholl

Liverpool Post Office,

1 – 3 South John Street,

Learpholl,

L1 8BN.

Tabhair faoi deara nach féidir le cónaitheoirí sa Bhreatain Mhór iarratas a dhéanamh trí Sheirbhís na bPasanna Luais atá á cur ar fáil in Éirinn ag An Post.

Treoir Mhionsonraithe:

1. Faigh an fhoirm iarratais ar phas, APS 2E, ónár nOifig Pasanna i Londain, nó ón Ionad Éireannach is gaire duit nó sa phost.
2. A luaithe agus a bheidh d’iarratas ar phas comhlánaithe i gceart agat agus na doiciméid ábhartha go léir i do sheilbh, tabhair chuig ceann amháin de na hoifigí poist i nGlaschú nó i Learpholl iad. Ceannaigh clúdach litreach Sheirbhís na bPasanna Luais ansin agus tabhair d’iarratas do chléireach cuntair.
3. Ba cheart cártaí creidmheasa/dochair nó airgead tirim a úsáid ag an oifig phoist ansin chun íocaíocht a dhéanamh.
4. Agus íocaíocht déanta agat, tabharfar admháil duit. Coinnigh an admháil seo in áit shlán mar is ansin a gheobhaidh tú uimhir rianaithe d’iarratais ar phas. Seo an pointe tagartha chomh maith más mian leat aon cheisteanna maidir le d’iarratas a chur.
5. Glacann an próiseas thart ar coicís nó trí seachtaine ón dáta ar a bhfaigheann muid d’iarratas, ar an gcoinníoll gur cuireadh an t-iarratas isteach mar is ceart.

Is féidir le cónaitheoirí na Breataine Móire a n-iarratas ar phas a chur isteach ag Ambasáid na hÉireann, an Bhreatain Mhór chomh maith. Féach anseo chun tuilleadh eolais a fháil.