Faigh árachas taistil agus liachta

Faigh árachas taistil cuimsitheach i gcónaí a chlúdóidh gach costas liachta thar lear, aslonnú liachta san áireamh, sula dtéann tú ag taisteal. Ní féidir linn íoc as aon chostais éigeandála a d’fhéadfadh a bheith ort ar do thuras. Mar sin, d’fhéadfadh árachas taistil go leor leor airgid a shábháil duit, má bhíonn fadhbanna agat. Ná déan dearmad na coinníollacha i do pholasaí a léamh agus a chinntiú go gclúdaíonn sé gach rud atá beartaithe agat a dhéanamh.

Teagmháil a dhéanamh linn

Níl Ambasáid na hÉireann againn sa Mháratáin ach féadfaidh tú teagmháil a dhéanamh leis an Aonad Cúnaimh Consalachta má theastaíonn treoir uait faoin gcúnamh is cóngaraí agus cuideoimid leat a mhéid agus is féidir. Is í seo an uimhir: +353 1 408 2000.

Naisc ghaolmhara

Eolas Roimh Thaisteal

Cúnamh Thar Lear

Priontáil leathanach

An Mháratáin

Má tá tú ag taisteal chun na Máratáine, gheobhaidh tú leideanna praiticiúla agus eolas áisiúil sa mhír comhairle taistil agus san eolas nuashonraithe.

Stádas Slándála

Gnáth-réamhchúraimí
Bí an-chúramach
Seachain taisteal neamhriachtanach
Ná taistil

Forbhreathnú
Sábháilteacht agus Slándáil
Dlíthe agus Gnásanna Áitiúla
Tubaistí Nádúrtha agus an Aeráid
Riachtanais Iontrála
Embassy Contact

Forbhreathnú

Forléargas

Déanaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta. Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil dhíreach linn.

Stádas Slándála

Seachain Taisteal Neamhriachtanach

Cláraigh linn

Má tá sé i gceist agat cuairt a thabhairt ar an Máratáin nó fanacht ann, ba chóir duit do chuid mionsonraí a chlárú linn, ionas go bhféadfaimid tú a aimsiú go tapa sa chás go dtarlódh géarchéim nach raibh súil léi, mar shampla tubaiste nádúrtha, nó eachtra éigeandála i do theaghlach, agus tú thar lear. Ansin, d’fhéadfaimis cabhair a thairiscint duitse nó do do theaghlach más gá.

Comhairle Uainne

Níl Ambasáid ná Consalacht ag Éirinn sa Mháratáin agus mar sin ní féidir linn comhairle taistil mhionsonraithe a fhíorú lena chinntiú go bhfuil sí cruinn, cuí agus cothrom le dáta.

Is féidir leat do chuid taighde féin a dhéanamh, áfach; tá naisc chuig tuilleadh comhairle taistil ó aireachtaí eachtracha eile le fáil sa rannán Eolas Breise.

Moltar duit freisin an treoir taistil Eolas Roimh Thaisteal a léamh chun leideanna praiticiúla a fháil ar thaisteal thar lear.

Cúnamh éigeandála

De bharr nach bhfuil Ambasáid ná Consalacht na hÉireann sa Mháratáin, táimid teoranta ó thaobh cúnamh a thairiscint duit i gcás éigeandála.

Áitiúil

Is minic go mbíonn an cúnamh is fearr ar fáil go háitiúil mar sin má bhíonn fadhbanna agat déan iarracht labhairt le muintir na háite, leis an ngníomhaire turas nó le bainistíocht an óstáin.

An tAonad Cúnaimh Consalachta i mBaile Átha Cliath

Má tharlaíonn éigeandáil nó má bhíonn cabhair agus comhairle uait, féadfaidh tú teagmháil a dhéanamh freisin leis an Aonad Cúnaimh Consalachta sa Roinn Gnóthaí Eachtracha agus Trádála i mBaile Átha Cliath ag +353 1 408 2000.

Ambasáidí AE eile

Féadfaidh tú iarracht a dhéanamh dul i dteagmháil le Ambasáidí, Consalachtaí nó Oifigí de thíortha eile AE, chomh maith, chun tacaíocht, comhairle agus cúnamh consalachta éigeandála a fháil.

Sábháilteacht agus Slándáil

Comhairle phraiticiúil

Léigh an treoir taistil Eolas Roimh Thaisteal chun leideanna slándála áisiúla a fháil agus tú ag taisteal thar lear
Faigh eolas go háitiúil maidir le ceantair lena mbaineann baol agus ábhair imní slándála
Déan réamhchúram ciallmhar maidir le sábháilteacht agus slándáil
Bíodh an té le dul i dteagmháil leis i gcás éigeandála ar eolas agat

Sceimhlitheoireacht

Tabhair ar aird go bhfuil baol ard ó ionsaithe sceimhlitheoireachta sa Mháratáin.

Fuadach

Tá baol ard fuadach sa Mháratáin mar sin ba chóir aird ar leith a thabhairt agus tú ag taisteal sa tír seo:

Faigh comhairle ó mhuintir na háite faoi bheith slán
Seachain taisteal san oíche, go háirithe taisteal idirchathrach
Seachain an taisteal aonair
Cinntigh go bhfuil doirse uile na feithicle faoi ghlas agus tú ag tiomáint
Tóg bealaí éagsúla agus fág ag amanna éagsúla – seachain patrúin a d’fhéadfaí a rianú
Tabhair aird ar leith ar mheáin áitiúla le tuairiscí a fháil faoi ghníomhaíochtaí fuadaigh

Dlíthe agus Gnásanna Áitiúla

Dlíthe agus gnásanna áitiúla

Comhairle phraiticiúil

Léigh an chomhairle taistil agus faigh comhairle go háitiúil nuair a bhaineann tú ceann scríbe amach
Cuimhnigh go mbaineann na dlíthe áitiúla leatsa, mar chuairteoir, agus nach mór duit cloí leo
Bí measúil ar nósanna, ar thraidisiúin agus ar chleachtais áitiúla, mar go mb’fhéidir go bhféachfaí ar an gcaoi a n-iompraíonn tú tú féin mar iompar a bheadh as bealach, naimhdeach nó in aghaidh an dlí.

Tubaistí Nádúrtha agus an Aeráid

Tubaistí nádúrtha agus an aeráid

Weather text removed

‌

Riachtanais Iontrála

Eolas Breise

Riachtanais iontrála (víosa/pas)

Mura bhfuil tú cinnte faoi riachtanais iontrála na Máratáine, lena n-áirítear eolas faoi víosaí agus eolas inimirce eile, cuir ceist ar do ghníomhaire taistil nó déan teagmháil leis an Ambasáid nó leis an gConsalacht is cóngaraí don tír.

Féadfaidh tú seiceáil leo freisin cén tréimhse bailíochta nach mór a bheith ag do phas.

Sláinte

Seiceáil le do dhochtúir i bhfad roimh thaisteal má tá aon vacsaíniú ag teastáil le dul chun na Máratáine.

Tuilleadh comhairle taistil

Mar gheall nach bhfuil Ambasáid ná Consalacht againn sa Mháratáin, ní féidir linn comhairle taistil cothrom le dáta a thabhairt.

Féadfaidh tú cuairt a thabhairt ar na haireachtaí eachtracha seo a leanas, áfach, chun eolas níos mionsonraithe a fháil:

Embassy contact

Embassy Contact

We do not have an Embassy in Mauritania, please contact our office in Dublin.

Department of Foreign Affairs and Trade
Iveagh House
80 St Stephen’s Green
Dublin 2
D02 VY53

Tel: + 353 (0) 1 408 2000

24 hours a day, 7 days a week