Forbhreathnú

Déanfaimid ár ndícheall an chomhairle taistil is déanaí a thabhairt duit i nGaeilge, ach mar gheall go bhféadfadh athrú an-tapa teacht ar chúrsaí, go háirithe i gcás géarchéime, ní féidir linn a ghealladh go mbeidh an chomhairle taistil i nGaeilge go hiomlán cothrom le dáta.  Lena chinntiú go bhfaighidh tú an chomhairle is déanaí, go háirithe maidir le stádas slándála, féach an leagan Béarla chomh maith, nó déan teagmháil díreach linn.

Forbhreathnú

Stádas Slándála

Ná Taisteal

An Fógra Taistil is Déanaí

Molann an Roinn Gnóthaí Eachtracha gan taisteal ar bith a dhéanamh chuig Buircíne Fasó

Tá an staid pholaitiúil agus slándála i Buircíne Fasó fós míshocair agus luaineach tar éis coup míleata i Meán Fómhair 2022. Tá acmhainn ann i gcónaí maidir le corraíl bhreise ar gearrfhógra.

Moltar do shaoránaigh na tíre a bheith airdeallach, turais neamhriachtanacha a sheachaint, coinneáil suas chun dáta le forbairtí áitiúla, léirsithe agus cruinnithe móra a sheachaint, agus cloí le cuirfiúnna nó srianta áitiúla ar bith. Ba cheart do shaoránaigh a bheith ullmhaithe an tír a fhágáil, más féidir, ar gearrfhógra.

Ba cheart do shaoránaigh Éireannacha i mBuircíne Fasó nach bhfuil sé déanta acu cheana féin a gcuid sonraí féin a chlárú le hAmbasáid na hÉireann in Abuja, an Nigéir anseo.

Comhairle Ghinearálta maidir le Taisteal

Tá Aerfort Idirnáisiúnta Ouagadougou agus Aerfort Bobo-Dioulasso ag feidhmiú le heitiltí tráchtála idirnáisiúnta teoranta. Seiceáil le do chomhlacht taistil don fhaisnéis is déanaí. Tá teorainneacha talún dúnta.

Ba cheart do shaoránaigh a bheith ar an eolas go bhfuil míshocracht pholaitiúil fós ann i Buircíne Fasó, go bhfuil cúrsaí teann ann agus go bhféadfadh sé athrú ar gearrfhógra. Molann an Roinn do shaoránaigh a bheith ríchúramach má tá siad sa tír, a fhanacht taobh istigh, a bheith ar an eolas maidir lena dtimpeallacht agus monatóireacht a dhéanamh ar na meáin áitiúla le haghaidh nuashonruithe. Tá acmhainn ann go dtiocfaidh meath ar chúrsaí slándála gan rabhadh.

Tá baol bunaidh ar sceimhlitheoireacht ann. Tá baol inchreidte ann go bhféadfadh grúpaí sceimhlitheoireachta atá lonnaithe laistigh agus lasmuigh den tír ionsaithe a dhéanamh, amhail lámhaigh, buamálacha agus fuadaigh. D’fhéadfadh ionsaithe a bheith gan idirdhealú, agus d’fhéadfaidís díriú ar áiteanna ina mbailíonn eachtrannaigh, amhail óstáin agus bialanna sa phríomhchathair. Ar an 26 Aibreán 2021, maraíodh saoránach Éireannach agus beirt shaoránach Spáinneacha i luíochán agus iad ag taisteal idir Fada-N’Gourma agus Pama. I Meitheamh 2021, maraíodh 160 duine in ionsaí ar Solhan in oirthuaisceart Bhuircíne Fasó. D’fhéadfadh tuilleadh ionsaithe tarlú.

Ba cheart do shaoránaigh a bheith cúramach agus slógaí agus cruinnithe móra polaitiúla a sheachaint, limistéir ina mbíonn léirsithe agus agóidí. D’fhéadfadh sluaite a bhailiú go tapa agus féadfaidh siad éirí foréigneach. I gcás go mbeidh corraíl ann, déan monatóireacht ar na meáin áitiúla agus lean treoracha agus fógraí ó na húdaráis áitiúla.

Cúnamh Éigeandála

Is minic a bhíonn an chabhair is fearr in aice láimhe, mar sin má bhíonn fadhbanna agat, bain triail as labhairt leis na teagmhálacha áitiúla, le tionscnóir do thurais nó le bainistíocht an óstáin ina bhfuil tú ag fanacht.

Is féidir leat teagmháil a dhéanamh leis na seirbhísí éigeandála i mBuircíne Fasó ach scairt a chur ar:

• Na Póilíní: 17
• An tOtharcharr: 112

Ár gCuid Leideanna le hAghaidh Taisteal Sábháilte:

• Molaimid go láidir duit árachas taistil cuimsitheach a cheannach a chumhdóidh na gníomhaíochtaí ar fad atá pleanáilte agat.
• Cláraigh do chuid sonraí linn ionas go mbeimid in ann teagmháil a dhéanamh leat i gcás éigeandála, amhail tubaiste nádúrtha nó éigeandáil teaghlaigh.
• Lean muid ar Twitter @dfatravelwise do na nuashonruithe taistil is déanaí.
• Léigh ár dtreoir ‘Eolas Roimh Thaisteal Duit’.

Ós rud é nach bhfuil Ambasáid Éireannach i mBuircíne Fasó, táimid teoranta maidir leis an gcabhair atáimid in ann a thabhairt duit i gcás éigeandála. Is féidir leat teagmháil a dhéanamh le hAmbasáid na hÉireann sa Nigéir, áfach, má theastaíonn cúnamh uait.