Sábháilteacht agus Slándáil

Comhairle phraiticiúil

• Faigh comhairle áitiúil maidir le ceantair riosca agus le himní slándála
• Déan réamhchúraimí ciallmhaire maidir le sábháilteacht agus slándáil
• Bí ar an eolas faoi na daoine ar féidir teagmháil a dhéanamh leo i gcás éigeandála

Coireacht

Tá an ráta coiriúlachta íseal ach d’fhéadfadh sé go dtarlódh mionchoireacht, amhail peasghadaíocht, ó am go chéile.

Bí san airdeall i dtaca le do shlándáil phearsanta, agus cinntigh go mbíonn do chuid earraí, lena n-áirítear do phas agus aon cháipéis thábhachtach, sábháilte i rith an ama.

Tá na háiseanna atá ann do thurasóirí teoranta, go díreach mar atá líon na n-eitiltí tráchtála chuig agus ó Nárú. Moltar do thaistealaithe an phleanáil chuí a dhéanamh roimh ré agus a gcuid taighde féin a dhéanamh roimh dóibh taisteal go Nárú chun laghdú ar aon riosca sábháilteachta.

Coireanna a thuairisciú

Má bhaineann coir duit agus tú i Nárú, déan an choir a thuairisciú do na póilíní áitiúla láithreach. Is féidir teagmháil a dhéanamh le hAmbasáid na hÉireann in Canberra má bhíonn cabhair de dhíth ort.

Spóirt uisce

D’fhéadfadh sé nach mbeadh caighdeáin sábháilteachta na dtionscnóirí turas i Nárú ag teacht le caighdeáin na hÉireann, go háirithe i dtaca le spóirt eachtraíochta, lena n-áirítear an tumadóireacht. Seiceáil dintiúir an tionscnóra agus an trealamh sábháilteachta roimh ré agus cinntigh go gclúdaíonn do pholasaí árachais taistil na gníomhaíochtaí atá beartaithe.  D’fhéadfadh sé nach mbeadh na seirbhísí tarrthála i gcomhréir le caighdeáin idirnáisiúnta.

Iompar poiblí

Ní hann d’aon tacsaí ná iompar poiblí. Is féidir feithicil a fháil ar cíos ó chíosghnólachtaí áitiúla.

Dlíthe agus Gnásanna Áitiúla

Ná déan dearmad go mbeidh feidhm leis na dlíthe áitiúla ortsa mar chuairteoir, agus is fútsa a bheidh sé cloí leis na dlíthe sin. Bí ar an eolas agus léirigh meas ar ghnásanna, traidisiúin agus cleachtais áitiúla toisc go bhféadfaí a cheapadh go bhfuil d’iompar míchuí, naimhdeach nó mídhleathach fiú. 

Drugaí

Tá sé mídhleathach i Nárú drugaí a úsáid, drugaí a bheith i do sheilbh agus drugaí a gháinneáil agus d’fhéadfadh sé go mbainfeadh fíneáil throm nó tréimhse phríosúnachta le haon cheann de na coireanna seo. 

LADTA+

Is amhlaidh gur díchoiríodh na caidrimh chomhghnéis ach moltar, fós féin, a bheith cúramach discréideach i rith an ama.

Tubaistí agus Aeráidí Nádúrtha

Ritheann séasúr oifigiúil na gcioclón ó mhí na Samhna go deireadh mhí an Aibreáin. Bíonn an séasúr fliuch ann ó Shamhain go hAibreán, agus is féidir a bheith ag súil le gaotha láidre, le suaill mhór farraige agus le cioclóin thrópaiceacha.

Is féidir nuashonruithe aimsire a fháil ó Sheirbhís Meitéareolaíochta Fhidsí agus ó Ionad Faisnéise Adhaimsire na hEagraíochta Domhanda Meitéareolaíochta agus trí na nuachtáin áitiúla agus an raidió áitiúil a sheiceáil.

Eolas Breise

Riachtanais iontrála (víosa/pas)

Víosa

Ní mór do shaoránaigh de chuid na hÉireann víosa a fháil roimh dóibh dul chuig Nárú ná ní eisítear aon víosa ar theacht isteach sa tír duit.

Teastaíonn pas bailí chun taisteal go Nárú. Ba cheart do phasanna Éireannacha a bheith bailí ar feadh íostréimhse 6 mhí. Ní féidir paschártaí a úsáid.

Chun sonraí a fháil ar an gcaoi le hiarratas a dhéanamh, déan teagmháil leis an Ambasáid nó leis an gConsalacht is giorra duit:​

Nauru High Commission

Ratu Sukuna House

Victoria Parade

PO Box 2420

Government Buildings

Suva, Poblacht Fhidsí

Teil: + 679 331 3566/331 2032

Facs: + 679 331 2032/331 8311

ríomhphost: naurulands@connect.com.fj

nó:

Nauru Consulate General

Level 3, 99 Creek Street

Brisbane

QLD 4000

Teil: +61 7 3220 3044

ríomhphost: nauru.consulate@brisbane.gov.nr

nó:

Director of Immigration

Customs and Immigration

Department of Justice

Government Building

Yaren District

Poblacht Nárú

Teil: + 674 444 3152 / 3162

Facs: + 674 444 3832A

Sláinte

Tá ráigeanna de thinnis mhuiscít-iompartha coitianta, agus titeann ráigeanna níos tromchúisí amach ó am go chéile. Roimh duit taisteal, faigh comhairle leighis cothrom le dáta ó do dhochtúir agus faigh amach an bhfuil aon vacsaíniú de dhíth ort roimh taisteal.

Bíonn ráigeanna de thíofóideach ann i Nárú ó thráth go chéile.

Is féidir go dtarchuirfí roinnt ionfhabhtuithe, amhail an confadh agus an fliú, idir daoine agus ainmhithe.