Sábháilteacht agus Slándáil

Coireacht

Fanann formhór na gcuairteoirí Éireannacha ar Stáit Chónaidhme na Micrinéise in ionaid saoire agus is iondúil go mbíonn siad seo an-sábháilte, ach d’fhéadfaí go dtarlódh mionchoireacht fós.

Má tá sé beartaithe agat bogadh lasmuigh de na háiteanna saoire, bí airdeallach faoi do thimpeallacht agus déan réamhchúraimí breise:

• Ná bíodh do chárta creidmheasa, ticéid taistil agus airgead á n-iompar agat ag aon am amháin - fág airgead tirim breise agus earraí luachmhara in áit shábháilte. 
• Ná hiompar do phas murach go bhfuil géarghá leis agus fág cóip de do phas (agus cáipéisí taistil agus árachais) le do theaghlach nó le cairde sa bhaile.
• Cuir do bhagáiste faoi ghlas mar réamhchúram ciallmhar i gcoinne cur isteach ar bhagáiste, goid san áireamh.

Pasanna a cailleadh nó a goideadh

Ós rud é go bhfuil an Ambasáid Éireannach is gaire fad suntasach ar shiúl i Mainile, na hOileáin Fhilipíneacha, is féidir leis an déileáil le pas a cailleadh nó a goideadh a bheith thar a bheith míchaoithiúil agus is féidir go dtógfadh sé am lena réiteach.

Coireanna a thuairisciú

Más íospartach coireachta thú agus tú i Stáit Chónaidhme na Micrinéise, déan an choir a thuairisciú do na póilíní áitiúla láithreach. Féadfaidh tú teagmháil a dhéanamh le hAmbasáid na hÉireann i Mainile  má bhíonn cabhair de dhíth ort.

Dlíthe agus Gnásanna Áitiúla

Ná déan dearmad go mbeidh feidhm leis na dlíthe áitiúla ortsa mar chuairteoir, agus is fútsa a bheidh sé cloí leis na dlíthe sin. Bí ar an eolas agus léirigh meas ar ghnásanna, traidisiúin agus cleachtais áitiúla toisc go bhféadfaí a cheapadh go bhfuil d’iompar míchuí, naimhdeach nó mídhleathach fiú.

Drugaí mídhleathacha

Tá pionóis throma ann do gach cion drugaí.

LADT

Níl aon srianta dlíthiúla ar chaidreamh gnéasach comhghnéis ná ar eagrú imeachtaí LADTAI+ i Stáit Chónaidhme na Micrinéise, áfach, ní ghlactar go forleathan le homaighnéasacht i Stáit Chónaidhme na Micrinéise.

Tubaistí agus Aeráidí Nádúrtha

Cioclóin

Bíonn séasúr monsún de chuid Stáit Chónaidhme na Micrinéise ann idir Samhain agus Aibreán. Ba cheart duit monatóireacht a dhéanamh ar nuashonruithe aimsire áitiúla agus idirnáisiúnta ón Eagraíocht Mheitéareolaíochta Dhomhanda agus aon treoracha a eisíonn na húdaráis áitiúla a leanúint.

D'fhéadfaí moill nó stop a chur le heitiltí isteach agus amach as ceantair atá buailte agus ba cheart duit a bheith ar an eolas go bhféadfadh eitiltí atá ar fáil líonadh go tapa.

Eolas Breise

Riachtanais iontrála (víosa/pas)

Víosaí

Eisítear víosaí turasóireachta/cuairteoirí ar theacht isteach sa tír agus údaraítear fad an fhanachta don líon laethanta a iarrtar. Féadfaidh tú síneadh suas le 30 lá a chur le do víosa. Féadfar síntí ina dhiaidh sin a cheadú ar feadh 30 lá eile ach ní rachaidh an t-am iomlán fanachta thar 90 lá. Ní ghearrtar aon táille as síneadh a chur leis an bhfanacht.

Tá síntí víosa ar fáil ó:

Príomhoifigeach Inimirce, Palikir, Pohnpei.

Teileafón: + (691) 320 5844

Ríomhphost: passport@gov.fm

Pas

Ba cheart go mbeadh do phas bailí ar feadh íostréimhse 120 lá ón dáta imeachta ó Stáit Chónaidhme na Micrinéise. Ní féidir paschártaí a úsáid.

Sláinte

Saoráidí leighis

Má tá cóir leighis éigeandála de dhíth ort le linn do thurais, cuir scairt ar 911 agus iarr cabhair orthu. Ba cheart duit teagmháil a dhéanamh le do chomhlacht cúnaimh árachais/leighis a luaithe is a atreoraítear thú chuig saoráid leighis le haghaidh cóireála.

Tá saoráidí leighis in Stáit Chónaidhme na Micrinéise teoranta ach leordhóthanach le haghaidh cóireála ar bith nach mbaineann castacht léi. D'fhéadfadh riochtaí sláinte tromchúiseacha, a bhíonn cur san ospidéal nó aslonnú de dhíth mar thoradh orthu, a bheith an-chostasach. Tá cóireáil éigeandála nó cóireáil do riochtaí tromchúiseacha teoranta agus mar sin d'fhéadfaí tú a aslonnú ó thaobh leighis de chuig tír eile. D'fhéadfadh sé seo am a ghlacadh chun socrú a dhéanamh agus is féidir leis na costais dul i méid go tapa, mar sin déan cinnte go bhfuil árachas sláinte taistil leordhóthanach agus airgead inrochtana agat chun costas d’aon chóir leighis thar lear agus d’aon aisdúichiú a chumhdach.

Tuairiscíodh cásanna den bhruitíneach i Stáit Chónaidhme na Micrinéise. Cinntigh go bhfuil do vacsaínithe cothrom le dáta.