Ciorrú Ball Giniúna Ban (FGM)

Sainmhínítear ciorrú ball giniúna ban mar bhaint na mball giniúna baineann seachtrach, go hiomlán nó go páirteach, nó aon chleachtas a athraíonn nó a ghortaíonn na baill ghiniúna bhaineanna d’aon ghnó ar chúiseanna neamhleighis. Aithníonn na Náisiúin Aontaithe gur sárú ar chearta an duine é FGM

Cion coiriúil atá ann cailín a thabhairt as Éirinn chun a baill ghiniúna a chiorrú.

B’fhéidir go n-inseofaí do chailín nó do bhean óg corruair go bhfuil sí ag dul ar thuras chuig a daoine muinteartha nó go bhfuil sí ag dul ar saoire thar lear, ach gurb é FGM atá i ndán di i ngan fhios di. 

Má tá faitíos ort go mb’fhéidir gur tógadh cara nó gaol leat thar lear le haghaidh FGM, téigh i dteagmháil le stáisiún áitiúil an Gharda Síochána agus cuir glaoch orainne san Aonad um Chabhair Chonsalachta ar +353 1 408 2527.